Moster elektro

Kva er viktig i ein visuell identitet?

For å gje ein større tyngde og effektivitet i all kommunikasjon og grafisk materiell er det ein føresetnad at publikum kan enkelt identifisera Moster elektro som avsendar. Me har difor utvikla ein visuell identitet som gjev Moster elektro eit karakteristisk og heilhetleg uttrykk.

Den visuelle identiteten sikrar at alle som utarbeidar kommunikasjon og reklame på vegne av Moster elektro føl dei same grafiske retningslinjene. Dette sørgjer for at merkevara vert brukt på rett måte. Den grafiske profilen under gjev både generelle reglar for logobruk, layout og typografi, samt nokre konkrete døme på malar for ulike verkemidlar. Ved konsekvent bruk av retningslinjene i profilen byggjer me ein sterk visuell identitet for selskapet.

Hovudlogo

For å halda ved like og styrkja merkevara Moster elektro, må logoen nyttast i samsvar med gjeldande retningslinjer. Konsekvent og korrekt bruk av logo i alle kanalar, både eksternt og internt, er ein viktig nøkkel for all merkevarebygging.

Hovudlogoen i farga variant på lys bakgrunn er å føretrekke. Ein kan òg nytte den svarte eller kvite varianten der det passar – til dømes på raud eller mørk bakgrunn.

Logoen må ikkje leggjast over andre element dersom kontrasten vert for liten.

Storleik og avstand logo

Minsteavstand for logo

Det er viktig at logoen får god plass på flata den skal nyttast på. Det sikrer me ved å sørgje for at minsteavstanden frå logo til andre element rundt er tilsvarende 1 × høgda av «M-en» i Moster elektro.

Det kan gjerne vera meir luft rundt logoen, men dette er absolutt minimum.

Minstestorleik for logo

For å sørgje for at logoen framleis er godt synleg, og teksten godt lesbar, skal logoen aldri nyttast i mindre format enn 20 mm høgde på trykk eller 50 pikslar høgde digitalt.

Minsteavstand logo

Minstestorleik logo

Feil bruk av logo

Regler

• Aldri endra proporsjonane til logoen.
• Aldri endra forholda i storleiken mellom symbol og typografi i logoen.
• Aldri legg til andre fargar i logoen.
• Aldri legg til andre element til logoen.
• Aldri legg logoen over andre element dersom kontrasten vert for liten.
• Aldri legg ei tett ramme rundt logoen. (Husk minsteavstand!)

Fargar for Moster elektro

Generelt

Bruk Pantone-farge for trykk.

Bruk RGB/HEX-fargar for skjermbasert visning, til dømes på internett eller i Powerpoint.

Tekst på trykk skal fortrinnsvis vera i 100 % svart.

Grafiske dekorelement

Mønster

Det er satt opp to ulike mønster ein kan nytte i markedsarbeid for Moster elektro.

1. Dette mønsteret er laga frå elementet i logoen, og egnar seg godt til å anten fylle ei flate, eller som vindusdekor.
2. Dette mønsteret er laga frå element ein elektrikar nyttar i kvardagen, nemleg ein planteikning. Dette egnar seg godt som underlag i annonser og marknadsmateriell.

Mønsteret kan nyttast i farge, eller som kvit med omlag 5 % opasitet over ei farga flate for å skape eit meir spanande uttrykk.

Typografi

Circe

Overskrifter er satt i fonten Circe. Desse vektene er gratis for nedlasting, men ønsker ein eit større utval vekter så må Circe-familien betalast for.

Circe gjer seg godt til brødtekst sidan det er ein særegen sans serif som skil seg ut i mengda. Bruk fortrinnsvis Regular vekt.

Dette er ein gratis font henta frå Adobe sitt store font-bibliotek.

Alternativ

Circe kan installerast på alle Mac og PC-ar, slik at dei er tilgjengelege i all programvare. Dersom dei absolutt ikkje er tilgjengeleg, så kan Century Gothic nyttast. Dette er ein standardfont i alle nyare Office-pakkar.

Visittkort

Under ser du nokre døme på profileringsartiklar.